Lágmenning á Íslandi

Tandlæge på sengekanten [***½]

Í þessari mynd er reyndar ekkert klám bara berrassaðir Danir af báðum kynjum. Það dregur þó ekkert úr skemmtanagildinu því danski húmorinn sem einkennir þessar myndir er aldrei fjarri.

Ole Søltoft leikur hér seinheppinn og ástsjúkann tannlæknanema sem alltaf tekst að missa niðrum sig buxurnar - í víðtæku samhengi.

Eiginkona látins frænda han Ole vill erfa hann að miklum auðæfum, að því skilyrði að hann sé rétt innrættur maður, sem sagt kvennabósi og glaumgosi. Hún reynir því með öllum aðferðum að njósna um Ole og siga á hann hinum ýmsu glæsipíum til að sjá hvort hann sýni ekki rétt viðbrögð. Það vill svo óheppilega til að besti vinur Ole heldur að frænkan ætli bara að erfa hann að peningunum ef hann sé þægur og siðsamur strákur. Hann reynir allt hvað hann getur til að sjá til þess að Ole fái ekkert á broddinn og sé hvergi við kvenmann kenndur. Upp úr þessu hefjast óteljandi vandræðasenur með viðeigandi strippli og aulahúmor.

- Rökkvi