Lágmenning á Íslandi

Roller Blade Warriors [***1/2] (fáanleg í Laugarásvideo)

Myndin gerist í svona "post-apocalyptic" veröld, svipað og Mad Max. Þar vaða úrhrök og dusilmenni um og fremja illvirki. Sem betur fer er trúarleg fylking valkyrja á hjólaskautum til að berjast fyrir réttlæti í heiminum. Það er að vísu dálitlum vandkvæðum háð að hjólaskauta úti í eyðimörk, þannig að mestalla myndina ganga gellurnar bara á skautunum sínum.
Skilmingaatriðin eru æði því að leikararnir eru með alveru sverð í fyrsta sinn á ævinni og eru skíthræddir við að meiða hvern annan (og sjálfa sig). Því miður hafa gaurarnir á bak við myndina ekki fattað að nota sama trix og í karatemyndum, að klippa út nokkra ramma í senunum svo þetta líti út fyrir að ganga hraðar.

-Rökkvi