Efnisleg ást [****] (fæst á Laugarásvídeó á spólunni Cult 1 sem lagmenning.is gaf út) Einnig þekkt sem: Materialistic love Leikstjóri: Grímur Hákonarson Hér er á ferðinni stuttmynd úr smiðju Gríms Hákonarsonar. Í myndinni eru skyndikynni í Reykjavík skoðuð á skemmtilegann og öðruvísi hátt en maður á að venjast. Hér sést þegar ungur drengur hözlar unga snót, þau skipast á…jah, einhverju, og fara síðan heim sitt í hvoru lagi. Gemsa atriðið er síðan bara stakasta snilld og hafa margir átt erfitt með að horfa á það sökum hversu vandræðalegt það er. Þetta er verk sem Grímur gerði fyrir nokkrum árum síðan. Þetta er nýrri mynd heldur en limir á lausu og það sést. Öll tæknivinna er orðin mun betri og er þessi mynd í rauninni að öllu leiti betri en hinar. Þó verður að taka tillit til þess að þegar Grímur gerði hinar myndirnar var hann rétt skriðinn upp í menntaskóla og ber því að horfa á þær myndir sem nokkurs konar heimildarmyndir frekar en annað. Þessi mynd er hins vegar snilld og sker sig í hóp hans bestu verka, Varði fer á vertíð og Klósettmenning. Nauðsynlegt bjórmagn: Ekkert endilega nokkur dropi -Jón Grétar